ವಿಷಯವಸ್ತುಗಳ ಕೇಂದ್ರವಾಗಿ ಹೊರಹೊಮ್ಮುತ್ತಿರುವ ಭಾರತ: ವಿಷಯ ರಚನೆಗಾರರಿಗೆ 27 ಸವಾಲುಗಳನ್ನು ನೀಡಿ ʼವೇವ್-ಸಮಿಟ್ʼ ಅನ್ನು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದಿಂದ ಆಯೋಜನೆ,
ಎವಿಜಿಸಿ ವಲಯದ ಮೇಲೆ ಕೇಂದ್ರೀಕರಿಸುವ ಮತ್ತು ಸುವ್ಯವಸ್ಥಿತ ಏಕ ಗವಾಕ್ಷಿ ವ್ಯವಸ್ಥೆಯ ಮೂಲಕ ವಿಷಯವಸ್ತುಗಳ ರಚನೆಯನ್ನು ಉತ್ತೇಜಿಸುವುದು ಮತ್ತು ವ್ಯವಹಾರವನ್ನು ಖಚಿತವಾಗಿ ಸುಲಭಗೊಳಿಸಲು ಸರ್ಕಾರವು ಕ್ರಮ ಕೈಗೊಳ್ಳಲಿದೆ: ಡಾ. ಎಲ್. ಮುರುಗನ್
ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ ಆಯೋಜಿಸಿದ್ದ ‘ಪ್ರಸಾರ ಕ್ಷೇತ್ರದಲ್ಲಿ ಉದಯೋನ್ಮುಖ ಪ್ರವೃತ್ತಿಗಳು ಮತ್ತು ತಂತ್ರಜ್ಞಾನಗಳು’ ವಿಷಯದ ಮೇಲಿನ ವಿಚಾರ ಸಂಕಿರಣವನ್ನು ಡಾ. ಎಲ್. ಮುರುಗನ್ ಉದ್ಘಾಟಿಸಿದರು.
5ಜಿ ತಂತ್ರಜ್ಞಾನದಲ್ಲಿ ಪರಿವರ್ತಕ ಸಾಮರ್ಥ್ಯ; ಎವಿಜಿಸಿ-ಎಕ್ಸ್ ಆರ್ ವಲಯವು ನವೊದ್ಯಮದ ಸಂಸ್ಕೃತಿಯನ್ನು, ಸೃಜನಶೀಲತೆ ಮತ್ತು ವಿಷಯ ಬಳಕೆಯ ಅನುಭವವನ್ನು ಹೆಚ್ಚಿಸಲು ಪ್ರೋತ್ಸಾಹಿಸುವುದು: ಶೇ. ಸಂಜಯ್ ಜಾಜು
ಭಾರತ ಮೊಬೈಲ್ ಕಾಂಗ್ರೆಸ್ (ಐಎಂಸಿ-2024) ಜೊತೆಗೆ ಟಿಆರ್ಎಐ ಆಯೋಜಿಸಿದ ‘ಪ್ರಸಾರ ಕ್ಷೇತ್ರದಲ್ಲಿ ಉದಯೋನ್ಮುಖ ಪ್ರವೃತ್ತಿಗಳು ಮತ್ತು ತಂತ್ರಜ್ಞಾನಗಳು’ ಎಂಬ ಅರ್ಧ ದಿನದ ವಿಚಾರ ಸಂಕಿರಣವನ್ನು ಮಾಹಿತಿ ಮತ್ತು ಪ್ರಸಾರ ಮತ್ತು ಸಂಸದೀಯ ವ್ಯವಹಾರಗಳ ರಾಜ್ಯ ಸಚಿವರಾದ ಡಾ. ಎಲ್. ಮುರುಗನ್ ಇಂದು ಉದ್ಘಾಟಿಸಿದರು. ಟಿಆರ್ಎಐ ಅಧ್ಯಕ್ಷ ಶ್ರೀ ಅನಿಲ್ ಕುಮಾರ್ ಲಹೋಟಿ; ಕಾರ್ಯದರ್ಶಿ, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ಶ್ರೀ ಸಂಜಯ್ ಜಾಜು; ಮತ್ತು ಕಾರ್ಯದರ್ಶಿ, ಟಿಆರ್ಎಐ, ಶ್ರೀ ಅತುಲ್ ಕುಮಾರ್ ಚೌಧರಿ ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಉದ್ಯಮದಲ್ಲಿನ ಇತ್ತೀಚಿನ ತಾಂತ್ರಿಕ ಪ್ರಗತಿಗಳು ಮತ್ತು ಅವುಗಳ ಬೆಳೆಯುತ್ತಿರುವ ಪ್ರಭಾವದ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
ತಂತ್ರಜ್ಞಾನವು ಭಾರತದ ಪ್ರಸಾರ ಕ್ಷೇತ್ರವನ್ನು ಪರಿವರ್ತಿಸುತ್ತಿದೆ.
ತಮ್ಮ ಉದ್ಘಾಟನಾ ಭಾಷಣದಲ್ಲಿ, ಮಾಹಿತಿ ಮತ್ತು ಪ್ರಸಾರ ಮತ್ತು ಸಂಸದೀಯ ವ್ಯವಹಾರಗಳ ರಾಜ್ಯ ಸಚಿವರಾದ ಡಾ. ಎಲ್. ಮುರುಗನ್ ಅವರು ವಿಷಯವಸ್ತುವು ವೀಕ್ಷಕರಿಗೆ ಪ್ರಾಥಮಿಕ ಗಮನಾರ್ಹ ಅಂಶವಾಗಿದ್ದು ಭಾರತದ ಪ್ರಸಾರ ಕ್ಷೇತ್ರದ ಮೇಲೆ ತಾಂತ್ರಿಕ ಪ್ರಗತಿಗಳ ಪರಿವರ್ತಕ ಪರಿಣಾಮವನ್ನು ಒತ್ತಿ ಹೇಳಿದರು. ತಳಮಟ್ಟದ ಜನರ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ಕ್ಷೇತ್ರಗಳಲ್ಲಿ ಅವರ ಸೇರ್ಪಡೆಯನ್ನು ಖಚಿತಪಡಿಸಿಕೊಳ್ಳಲು ಪ್ರಸಾರ ಸೇವೆಗಳ ಲಭ್ಯತೆಯನ್ನು ಸುಧಾರಿಸುವ ಅಗತ್ಯವನ್ನು ಅವರು ಒತ್ತಿ ಹೇಳಿದರು.
ನಾವು ವಿಷಯವಸ್ತುಗಳಿಂದ ಚಾಲಿತವಾದ ಆರ್ಥಿಕತೆಯಲ್ಲಿ ಜೀವಿಸುತ್ತಿದ್ದೇವೆ ಮತ್ತು ಭಾರತವು ವಿಷಯವಸ್ತುಗಳ ಕೇಂದ್ರವಾಗಿ (ಕಂಟೆಂಟ್ ಹಬ್) ಹೊರಹೊಮ್ಮುತ್ತಿದೆ. ಸಾಮಾಜಿಕ ಮಾಧ್ಯಮದ ಏರಿಕೆಯೊಂದಿಗೆ, ಪ್ರಸಾರವು ತನ್ನ ಪರಿಧಿಯನ್ನು ಅಗಾಧವಾಗಿ ವಿಸ್ತರಿಸಿದೆ ಮತ್ತು ವಿಷಯ ರಚನೆಕಾರರಿಗೆ ಪ್ರಯೋಜನವಾಗುವಂತೆ, ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯವು 5-9 ಫೆಬ್ರವರಿ, 2025 ರವರೆಗೆ ವೇವ್ ಶೃಂಗಸಭೆಯನ್ನು (ವೇವ್ ಸಮಿಟ್) ಆಯೋಜಿಸುತ್ತಿದೆ. ಈ ಶೃಂಗಸಭೆಯಲ್ಲಿ, ವಿಷಯ ರಚನೆಕಾರರು 27 ಸವಾಲುಗಳಿಗೆ ಪ್ರವೇಶವನ್ನು ಹೊಂದಿರುತ್ತಾರೆ. ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ವೇದಿಕೆಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಅವಕಾಶವನ್ನು ಒದಗಿಸುತ್ತದೆ ಮತ್ತು ಅಂತಿಮವಾಗಿ ಉದ್ಯೋಗ ಸೃಷ್ಟಿಗೆ ಕಾರಣವಾಗುತ್ತದೆ.
ಎವಿಜಿಸಿ (ಅನಿಮೇಷನ್, ವಿಷುಯಲ್ ಎಫೆಕ್ಟ್ಸ್, ಗೇಮಿಂಗ್, ಕಾಮಿಕ್ಸ್) ವಲಯಕ್ಕೆ ವಿಶೇಷ ಗಮನ ನೀಡುವಂತೆ ಅವರು ಕರೆ ನೀಡಿದರು, ವ್ಯವಹಾರವನ್ನು ಸುಲಭಗೊಳಿಸಲು ಸುವ್ಯವಸ್ಥಿತ ಏಕ ಗವಾಕ್ಷಿ ವ್ಯವಸ್ಥೆಯ ಮೂಲಕ ಭಾರತದಲ್ಲಿ ವಿಷಯವಸ್ತುವಿನ ರಚನೆಯನ್ನು ಉತ್ತೇಜಿಸಲು ಕರೆ ನೀಡಿದರು.
234 ಹೊಸ ನಗರಗಳಲ್ಲಿ ಎಫ್ಎಂ ರೇಡಿಯೊ ವಾಹಿನಿಗಳನ್ನು ಹರಾಜು ಹಾಕಲು ಕೇಂದ್ರ ಸಚಿವ ಸಂಪುಟದ ಇತ್ತೀಚಿನ ಅನುಮೋದನೆಯು ಸ್ಥಳೀಯ ವಿಷಯವನ್ನು ಹೆಚ್ಚಿಸಲು ಮತ್ತು ಹೆಚ್ಚಿನ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ ಎಂದು ಅವರು ಹೇಳಿದರು. ಆರ್ಥಿಕ ಬೆಳವಣಿಗೆ ಮತ್ತು ಸಾಂಸ್ಕೃತಿಕ ಪ್ರಸರಣದಲ್ಲಿ ಪ್ರಸಾರ ಕ್ಷೇತ್ರದ ಪಾತ್ರವನ್ನು ಬಲಪಡಿಸಲು, ಎಲ್ಲರಿಗೂ ಉತ್ತಮ ಗುಣಮಟ್ಟದ ಮಾಧ್ಯಮದ ವಿಷಯವಸ್ತುವಿನ ಲಭ್ಯತೆಯನ್ನು ಖಾತ್ರಿಪಡಿಸಲು ತಾಂತ್ರಿಕ ಪ್ರಗತಿಯನ್ನು ಹೆಚ್ಚಿಸಲು ಸರ್ಕಾರದ ಬದ್ಧತೆಯನ್ನು ಅವರು ಪುನರುಚ್ಚರಿಸಿದರು. ಈ ಉಪಕ್ರಮವು 2047ರ ವೇಳೆಗೆ ಪ್ರಧಾನಮಂತ್ರಿಯವರ ʼವಿಕಸಿತ ಭಾರತʼದ ದೃಷ್ಟಿಗೆ ಹೊಂದಿಕೆಯಾಗುವುದು ಎಂದು ಹೇಳಿದರು.
ಡಿಜಿಟಲ್ ರೇಡಿಯೋ, D2ಎಂ ಬ್ರಾಡ್ಕಾಸ್ಟಿಂಗ್ ಮತ್ತು 5ಜಿ ಸಾಮರ್ಥ್ಯ
ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಸಂಜಯ್ ಜಾಜು ಅವರು ತಮ್ಮ ವಿಶೇಷ ಭಾಷಣದಲ್ಲಿ, ಪ್ರಸಾರ ವಲಯವನ್ನು ಸಕ್ರಿಯಗೊಳಿಸಲು ಬೆಳವಣಿಗೆ ಆಧಾರಿತ ನೀತಿಗಳು ಮತ್ತು ಉಪಕ್ರಮಗಳನ್ನು ರೂಪಿಸುವಲ್ಲಿ ಸಚಿವಾಲಯದ ಪಾತ್ರವನ್ನು ಎತ್ತಿ ತೋರಿಸಿದರು. ತರಂಗಗಳ ಬಳಕೆಯನ್ನು ಉತ್ತಮಗೊಳಿಸುವ ಮತ್ತು ಉತ್ತಮ ಧ್ವನಿ ಗುಣಮಟ್ಟವನ್ನು ನೀಡುವ ಕೈಗೆಟುಕುವ ಸಮೂಹ ಸಂವಹನ ಸಾಧನವಾಗಿ ಡಿಜಿಟಲ್ ರೇಡಿಯೊದ ಸಾಮರ್ಥ್ಯದ ಬಗ್ಗೆ ಅವರು ಒತ್ತಿ ಹೇಳಿದರು. ಡೈರೆಕ್ಟ್-ಟು-ಮೊಬೈಲ್ (D2M) ಪ್ರಸಾರದ ಪ್ರಯೋಜನಗಳ ಬಗ್ಗೆ ಅವರು ಮಾತನಾಡಿದರು, ಇದು ನೇರವಾಗಿ ಮೊಬೈಲ್ ಫೋನ್ಗಳಿಗೆ ವಿಷಯವನ್ನು ತಲುಪಿಸಲು ಅನುಕೂಲ ಮಾಡಿಕೊಡುತ್ತದೆ. ಐಐಟಿ ಕಾನ್ಪುರ ಮತ್ತು ಸಾಂಖ್ಯ ಲ್ಯಾಬ್ ಸಂಸ್ಥೆಯ ಸಹಯೋಗದೊಂದಿಗೆ ಸರ್ಕಾರಿ ಸಾರ್ವಜನಿಕ ಸೇವಾ ಪ್ರಸಾರಕರಾದ ಪ್ರಸಾರ ಭಾರತಿ ಹೆಚ್ಚಿನ ಶಕ್ತಿ ಮತ್ತು ಕಡಿಮೆ-ಶಕ್ತಿಯ ಟ್ರಾನ್ಸ್ಮಿಟರ್ಗಳನ್ನು ಬಳಸಿಕೊಂಡು D2M ಪ್ರಯೋಗಗಳನ್ನು ನಡೆಸುತ್ತಿದೆ ಎಂದು ಅವರು ಹೇಳಿದರು.
ಅವರು 5ಜಿ ಯ ಪರಿವರ್ತಕ ಸಾಮರ್ಥ್ಯದ ಕುರಿತು ಮಾತನಾಡಿದರು, ವಿಶೇಷವಾಗಿ ಆಗ್ಮೆಂಟೆಡ್ ರಿಯಾಲಿಟಿ ಮತ್ತು ವರ್ಚುವಲ್ ರಿಯಾಲಿಟಿಯಂತಹ ವಾಸ್ತವಕ್ಕೆ ಹತ್ತಿರವಾಗುವ ತಂತ್ರಜ್ಞಾನಗಳೊಂದಿಗೆ ಸಂಯೋಜಿಸಿದಾಗ, ಇದು ಹೆಚ್ಚು ತೊಡಗಿಸಿಕೊಳ್ಳುವ ಪ್ರಸಾರ ಅನುಭವಗಳನ್ನು ನೀಡುತ್ತದೆ. ಹೆಚ್ಚುವರಿಯಾಗಿ, ಅನಿಮೇಷನ್, ವಿಷುಯಲ್ ಎಫೆಕ್ಟ್ಸ್, ಗೇಮಿಂಗ್, ಕಾಮಿಕ್ಸ್ ಮತ್ತು ಎಕ್ಸ್ಟೆಂಡೆಡ್ ರಿಯಾಲಿಟಿ (ಎವಿಜಿಸಿ-ಎಕ್ಸ್ಆರ್) ವಲಯದಲ್ಲಿ ಗಮನಾರ್ಹ ಬೆಳವಣಿಗೆಯನ್ನು ನಿರೀಕ್ಷಿಸಲಾಗಿದೆ ಎಂದು ಅವರು ಹೇಳಿದರು, ಇದು ನವೋದ್ಯಮ ಸಂಸ್ಕೃತಿಯನ್ನು ಉತ್ತೇಜಿಸುವ, ಸೃಜನಶೀಲತೆಯನ್ನು ಬೆಳೆಸುವ ಮತ್ತು ವಿಷಯವಸ್ತು ಬಳಕೆಯ ಅನುಭವವನ್ನು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಹೇಳಿದರು.
ನಿಯಂತ್ರಕ ಚೌಕಟ್ಟನ್ನು ಬಲಪಡಿಸುವುದು
ಟಿಆರ್ಎಐನ ಕಾರ್ಯದರ್ಶಿ ಶ್ರೀ ಅತುಲ್ ಕುಮಾರ್ ಚೌಧರಿ ಅವರು ತಮ್ಮ ಆರಂಭಿಕ ಭಾಷಣದಲ್ಲಿ ಇಂದಿನ ವಿಚಾರ ಸಂಕಿರಣವು ತ್ತೀಚಿನ ಬೆಳವಣಿಗೆಗಳಲ್ಲಿ ನಿಯಂತ್ರಕ ಚೌಕಟ್ಟಿನಲ್ಲಿ ಅಗತ್ಯವಾಗಬಹುದಾದ ಬದಲಾವಣೆಗಳಿಗೆ ಸ್ಪಂದಿಸಲು , ಈ ವಲಯದಲ್ಲಿ ಹೊಸ ಚರ್ಚೆಗಳು ಮತ್ತು ಚರ್ಚೆಗಳನ್ನು ಉತ್ತೇಜಿಸಲು ಟಿಆರ್ ಎ ಐ ನ ಪ್ರಯತ್ನಗಳ ಮುಂದುವರಿಕೆಯಾಗಿದೆ ಎಂದು ಒತ್ತಿಹೇಳಿದರು.
ಮಾಧ್ಯಮ ಮತ್ತು ಮನರಂಜನಾ ಕ್ಷೇತ್ರವು 2026 ರ ವೇಳೆಗೆ ₹3.08 ಟ್ರಿಲಿಯನ್ ಗೆ ತಲುಪಲಿದೆ
ತಮ್ಮ ಮುಖ್ಯ ಭಾಷಣದಲ್ಲಿ, ಟಿಆರ್ ಎ ಐ ಅಧ್ಯಕ್ಷರಾದ ಶ್ರೀ ಅನಿಲ್ ಕುಮಾರ್ ಲಹೋಟಿ ಅವರು ಮಾಧ್ಯಮ ಮತ್ತು ಮನರಂಜನಾ ಕ್ಷೇತ್ರದ ಗಮನಾರ್ಹ ಬೆಳವಣಿಗೆಯ ಹಾದಿಯ ಬಗ್ಗೆ ಒತ್ತಿಹೇಳಿದರು, ಇದು 2026 ರ ವೇಳೆಗೆ ₹ 3.08 ಟ್ರಿಲಿಯನ್ ತಲುಪಲು ಯೋಜಿಸಲಾಗಿದೆ, ಇದು ಹೊಸ ಮಾಧ್ಯಮ ವೇದಿಕೆಗಳ ತ್ವರಿತ ವಿಸ್ತರಣೆಯಿಂದ ನಡೆಸಲ್ಪಡುತ್ತದೆ. ವಾಸ್ತವಕ್ಕೆ ಹತ್ತಿರವಾದ ತಂತ್ರಜ್ಞಾನಗಳ ಪರಿವರ್ತಕ ಶಕ್ತಿಯ ಬಗ್ಗೆ ಅವರು ಒತ್ತಿಹೇಳುತ್ತಾ ಇದು ಹೆಚ್ಚು ತೊಡಗಿಸಿಕೊಳ್ಳುವ ಮತ್ತು ಸಂವಾದಾತ್ಮಕ ಅನುಭವವನ್ನು ನೀಡುತ್ತದೆ ಎಂದರು.
ಡೈರೆಕ್ಟ್-ಟು-ಮೊಬೈಲ್ (D2M) ಪ್ರಸಾರವು ಪರ್ಯಾಯ ವಿಷಯವಸ್ತು ವಿತರಣಾ ತಂತ್ರಜ್ಞಾನವಾಗಿ ಹೊರಹೊಮ್ಮುತ್ತಿದೆ ಎಂದು ಅವರು ಹೇಳಿದರು, ಅಂತರ್ಜಾಲ ಇಲ್ಲದೆಯೂ ಸಹ ಏಕಕಾಲದಲ್ಲಿ ಪ್ರಸಾರವಾಗಲು ಅನುಕೂಲ ಮಾಡಿಕೊಡುವುದು. ಹೆಚ್ಚುವರಿಯಾಗಿ, ಅವರು ಡಿಜಿಟಲ್ ರೇಡಿಯೊದ ಪ್ರಯೋಜನಗಳ ಬಗ್ಗೆ ಒತ್ತಿಹೇಳಿದರು, ವಿಶೇಷವಾಗಿ ದೂರದರ್ಶನ ಸಂಪರ್ಕಗಳ ಕೊರತೆಯಿರುವ ಪ್ರದೇಶಗಳಲ್ಲಿ ಮತ್ತು ಗ್ರಾಹಕರ ಹಿತಾಸಕ್ತಿಗಳನ್ನು ರಕ್ಷಿಸುವ, ಸೇವಾ ಪೂರೈಕೆದಾರರಿಗೆ ಸಮನಾದ ಅವಕಾಶಗಳನ್ನು ಖಚಿತಪಡಿಸಿಕೊಳ್ಳಲು ಮತ್ತು ಪ್ರಸಾರ ಕ್ಷೇತ್ರದ ಒಟ್ಟಾರೆ ಬೆಳವಣಿಗೆಯನ್ನು ಉತ್ತೇಜಿಸುವ ಮುಂದುವರಿಯುತ್ತಿರುವ ಶಿಫಾರಸುಗಳು ಮತ್ತು ನಿಬಂಧನೆಗಳನ್ನು ಒದಗಿಸಲು ಟಿಆರ್ಎಐನ ನ ಬದ್ಧತೆಯನ್ನು ಪುನರುಚ್ಚರಿಸಿದರು. ರಾಷ್ಟ್ರೀಯ ಪ್ರಸಾರ ನೀತಿಯನ್ನು ರೂಪಿಸಲು ಟಿಆರ್ಎಐನ ಇತ್ತೀಚೆಗೆ ತನ್ನ ಶಿಫಾರಸುಗಳನ್ನು ನೀಡಿದೆ.
ಬ್ರಾಡ್ಕಾಸ್ಟಿಂಗ್ ನ ಭವಿಷ್ಯದ ನಾವೀನ್ಯತೆಗಳ ಅನ್ವೇಷಣೆ
ಇಂದಿನ ವಿಚಾರ ಸಂಕಿರಣವು ವಿವಿಧ ಪ್ರಸಾರ ಬಳಕೆಯ ಸಂದರ್ಭಗಳಲ್ಲಿ ವಾಸ್ತವಕ್ಕೆ ಹತ್ತಿರವಾದ ತಂತ್ರಜ್ಞಾನಗಳ ಪ್ರಾಯೋಗಿಕ ಅಪ್ಲಿಕೇಶನ್ಗಳು ಮತ್ತು ಪರಿವರ್ತಕ ಸಾಮರ್ಥ್ಯವನ್ನು ಅನ್ವೇಷಿಸುವ ಗುರಿಯನ್ನು ಹೊಂದಿದೆ. ಚರ್ಚೆಗಳನ್ನು ಒಂದರ ಹಿಂದೆ ಒಂದರಂತೆ ಮೂರು ಅಧಿವೇಶನಗಳಾಗಿ ವಿಂಗಡಿಸಲಾಗಿದೆ.
ಅಧಿವೇಶನ ಒಂದು ‘ಪ್ರಸಾರ ಕ್ಷೇತ್ರದಲ್ಲಿ ವಾಸ್ತವಕ್ಕೆ ಹತ್ತಿರವಾದ ತಂತ್ರಜ್ಞಾನಗಳ ಬಳಕೆ’, ನಂತರ ‘D2M ಮತ್ತು 5ಜಿ ಬ್ರಾಡ್ಕಾಸ್ಟಿಂಗ್: ಅವಕಾಶಗಳು ಮತ್ತು ಸವಾಲುಗಳು’ ಮತ್ತು ಕೊನೆಯ ಅಧಿವೇಶನವು ‘ಡಿಜಿಟಲ್ ರೇಡಿಯೊ ತಂತ್ರಜ್ಞಾನ: ಭಾರತದಲ್ಲಿನ ನಿಯೋಜನೆ ತಂತ್ರಗಳು’ ವಿಷಯಗಳ ಕುರಿತು ಇರುತ್ತದೆ.
ಈ ಅಧಿವೇಶನಗಳಲ್ಲಿ ಮಾತನಾಡುವವರಲ್ಲಿ ಸಂವಹನ ವಲಯ, ದೂರದರ್ಶನ ಮತ್ತು ರೇಡಿಯೊ ಪ್ರಸಾರದ ಸಂಬಂಧಪಟ್ಟ ತಂತ್ರಜ್ಞಾನದ ತಜ್ಞರು, ಸಾಧನಗಳು ಮತ್ತು ನೆಟ್ ವರ್ಕ್ ತಯಾರಕರು, ತಂತ್ರಜ್ಞಾನ ದೈತ್ಯರು ಮತ್ತು ಸರ್ಕಾರದ ಪ್ರತಿನಿಧಿಗಳು ಸೇರಿದ್ದಾರೆ. ಈ ವಿಚಾರ ಸಂಕಿರಣದಲ್ಲಿ ದೇಶ ವಿದೇಶಗಳಿಂದ 100 ಕ್ಕೂ ಹೆಚ್ಚುಜನರು ಭಾಗವಹಿಸಲಿದ್ದಾರೆ.
ವಿಚಾರ ಸಂಕಿರಣದ ಕುರಿತು ಯಾವುದೇ ಮಾಹಿತಿ / ಸ್ಪಷ್ಟೀಕರಣಕ್ಕಾಗಿ, ಶ್ರೀ ದೀಪಕ್ ಶರ್ಮಾ, ಸಲಹೆಗಾರ (ಬಿ&ಸಿಎಸ್), ಟಿಆರ್ ಎಐ, ಅವರ ಮಿಂಚಂಚೆ advbcs-2@trai.gov.in ನಲ್ಲಿ ಸಂಪರ್ಕಿಸಬಹುದು.
