ಅಗ್ನಿವೀರ್ ಜಾರಿ ಮಾಡುವ ಮುನ್ನ ಸುಮಾರು ಎರಡು ವರ್ಷಗಳ ಕಾಲ ಸುದೀರ್ಘ ಚರ್ಚೆಗಳು ನಡೆದಿವೆ
ತಂತ್ರಜ್ಞಾನವು ವೇಗವಾಗಿ ಬದಲಾಗುತ್ತಿದೆ, ಯುದ್ಧಗಳನ್ನು ಹೋರಾಡುವ ವಿಧಾನವು ವೇಗವಾಗಿ ಬದಲಾಗುತ್ತಿದೆ, ನಾವು ಅದಕ್ಕೆ ಹೊಂದಿಕೊಳ್ಳುವ ಅಗತ್ಯವಿದೆ
ಹುತಾತ್ಮರಾಗುವ ಸಾಮಾನ್ಯ ಸೈನಿಕ ಹಾಗೂ ಅಗ್ನಿವೀರ್ ಗೆ ನೀಡುವ ಪರಿಹಾರದಲ್ಲಿ ಯಾವುದೇ ವ್ಯತ್ಯಾಸವಿರುವುದಿಲ್ಲ
ರಾಜಕೀಯ ವಿವಾದಗಗಳಿಗೆ ಸೇನೆಯನ್ನು ಎಳೆದು ತರಬಾರದು
ಅಗ್ನಿವೀರ್ ಯೋಜನೆಯ ಬಗ್ಗೆ ನಡೆಯುತ್ತಿರುವ ಚರ್ಚೆಗಳಿಂದ ಯುವಜನರು ದಾರಿ ತಪ್ಪಬಾರದು ಎಂದು ನಿವೃತ್ತ ವಾಯು ಸೇನೆಯ ಮುಖ್ಯಸ್ಥ ಆರ್ ಕೆ ಎಸ್ ಭದೌರಿಯಾ ಹೇಳಿದ್ದಾರೆ.
ಎ ಎನ್ ಐ ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಅವರು, ನಾವು ಇನ್ನೂ ಎರಡು ವರ್ಷಗಳ ಕಾಲ ಕಾಯೋಣ, 2026 ರ ಅಂತ್ಯದ ವೇಳೆಗೆ ಮೊದಲು ತಂಡ ಹೊರಬರುತ್ತದೆ. ಆಗ ನಿಜವಾದ ಅಗ್ನಿಪರೀಕ್ಷೆ ಇರುತ್ತದೆ. ನಾವು ಆ ಜನರನ್ನು ಹೇಗೆ ನೋಡಿಕೊಳ್ಳುತ್ತೇವೆ ಮತ್ತು ಅವರೆಲ್ಲರೂ ಹೇಗೆ ಉತ್ತಮ ಸ್ಥಾನವನ್ನು ಪಡೆಯುತ್ತಾರೆ ಎಂಬುದನ್ನು ನೀವು ನೋಡುತ್ತೀರಿ. ಈ ಯೋಜನೆಯು ಎಲ್ಲ ಅನುಮಾನಗಳನ್ನು ಹೋಗಲಾಡಿಸುತ್ತದೆ. ಆದ್ದರಿಂದ ಯುವಜನರು ಈ ರೀತಿಯ ಚರ್ಚೆಗಳಿಂದ ದಾರಿ ತಪ್ಪಬಾರದು., ನೀವು ಸೇನೆಗೆ ಸೇರಲು ಬಯಸಿದರೆ, ಅಗ್ನಿವೀರ್ ಆಗಿ ಸೇರ್ಪಡೆಯಾಗಿ ಎಂದು ಅವರು ಹೇಳಿದ್ದಾರೆ.
ಅಗ್ನಿವೀರ್ ಜಾರಿ ಮಾಡುವ ಮುನ್ನ ಸುಮಾರು ಎರಡು ವರ್ಷಗಳ ಕಾಲ ಸುದೀರ್ಘ ಚರ್ಚೆಗಳು ನಡೆದವು. ಇವುಗಳಲ್ಲಿ ಸೇನೆಯ ಮೂರು ಮುಖ್ಯಸ್ಥರೂ ವೈಯಕ್ತಿಕವಾಗಿ ತೊಡಗಿಸಿಕೊಂಡಿದ್ದರು ಎಂದು ಅವರು ಹೇಳಿದ್ದಾರೆ.
ತಂತ್ರಜ್ಞಾನವು ವೇಗವಾಗಿ ಬದಲಾಗುತ್ತಿದೆ, ಯುದ್ಧಗಳನ್ನು ಹೋರಾಡುವ ವಿಧಾನವು ವೇಗವಾಗಿ ಬದಲಾಗುತ್ತಿದೆ, ಬೆದರಿಕೆಯ ರೀತಿಗಳು ವೇಗವಾಗಿ ಬದಲಾಗುತ್ತಿವೆ. ಆದ್ದರಿಂದ ನಾವು ಅದಕ್ಕೆ ಹೊಂದಿಕೊಳ್ಳುವ ಅಗತ್ಯವಿದೆ. ಆದ್ದರಿಂದ ನಾವು ತರುಣ ಪಡೆಯನ್ನು ಹೊಂದಿರಬೇಕು, ಯುವಕರು ಹೆಚ್ಚು ತಾಂತ್ರಿಕವಾಗಿ ಹೊಂದಿಕೊಳ್ಳುತ್ತಾರೆ. ಎಂದು ಅವರು ಹೇಳಿದ್ದಾರೆ.
ಅಗ್ನಿವೀರ್ ಯೋಜನೆಯಲ್ಲಿ ತರಬೇತಿ ಅವಧಿ ಕಡಿಮೆಯಿರುವ ಬಗ್ಗೆ ಬಂದಿರುವ ಟೀಕೆಗಳಿಗೆ ಉತ್ತರಿಸಿದ ಅವರು, ಅಗ್ನಿವೀರ್ ಯೋಜನೆಯಲ್ಲಿ ಅವರ ಉದ್ಯೋಗಕ್ಕಾಗಿ 6 ತಿಂಗಳ ತರಬೇತಿಯನ್ನು ನೀಡಲಾಗುತ್ತದೆ, ಅವರು ತಮ್ಮ ಮೊದಲ ಹಂತದ ಉದ್ಯೋಗಕ್ಕಾಗಿ ತರಬೇತಿ ಪಡೆಯಬೇಕಾದ ಎಲ್ಲದಕ್ಕೂ ತರಬೇತಿಯನ್ನು ಫಾರ್ಮ್ಯಾಟ್ ಮಾಡಲಾಗಿದೆ. ಅವರು ಕಾಯಂ ನೇಮಕಾತಿಯಾದಾಗ ಅವರಿಗೆ ಮರುತರಬೇತಿ ನೀಡಲಾಗುವುದು ಮತ್ತು ಆಳವಾದ ತಾಂತ್ರಿಕ ತಿಳುವಳಿಕೆ ಮತ್ತು ಸಾಮರ್ಥ್ಯಕ್ಕಾಗಿ ಉನ್ನತ ತಾಂತ್ರಿಕ ಕರ್ತವ್ಯಗಳಿಗಾಗಿ ಅವರಿಗೆ ಹೆಚ್ಚಿನ ತರಬೇತಿ ನೀಡಲಾಗುವುದು ಎಂದು ಹೇಳಿದ್ದಾರೆ.
ಹುತಾತ್ಮರಾಗುವ ಸಾಮಾನ್ಯ ಸೈನಿಕ ಹಾಗೂ ಅಗ್ನಿವೀರ್ ಗೆ ನೀಡುವ ಪರಿಹಾರದಲ್ಲಿ ಯಾವುದೇ ವ್ಯತ್ಯಾಸವಿರುವುದಿಲ್ಲ ಎಂದು ವಿಮೆಯ ಹಣ ಮೊದಲು ಪಾವತಿಯಾಗುತ್ತದೆ. ಪರಿಹಾರ ಮತ್ತು ಇತರ ಪಾವತಿಗಳಿಗೆ ಹಲವು ಪ್ರಕ್ರಿಯೆಗಳು ಇರುತ್ತವೆ, ಅವುಗಳು ಮುಗಿದ ನಂತರ ಹಣ ಪಾವತಿಯಾಗುತ್ತದೆ ಎಂದು ಹೇಳಿದ್ದಾರೆ.
ಸಾಮಾನ್ಯ ಸೈನಿಕರು ವಿಮೆಯ ಕಂತನ್ನು ಕಟ್ಟಬೇಕು. ಆದರೆ ಅಗ್ನಿವೀರರಿಗೆ ಭಾರತ ಸರ್ಕಾರವೇ ವಿಮೆಯನ್ನು ಪಾವತಿಸುತ್ತದೆ. ಅಗ್ನಿವೀರರು ಯಾವುದೇ ವಿಮಾ ಕಂತು ಪಾವತಿಸುವುದಿಲ್ಲ. ಹುತಾತ್ಮರಾದ ಅಗ್ನಿವೀರರ ಕುಟುಂಬಕ್ಕೆ 48 ಲಕ್ಷ ರೂ ವಿಮೆ ಪಾವತಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ಈ ರಾಜಕೀಯ ವಿವಾದಗಗಳಿಗೆ ಸೇನೆಯನ್ನು ಎಳೆದು ತರಬಾರದು, ಅದು ರಾಷ್ಟ್ರೀಯ ಭದ್ರತೆಯ ಹೊಣೆಹಗಾರಿಕೆ ಇದೆ ಎಂದು ನಿವೃತ್ತ ವಾಯುಸೇನೆಯ ಮುಖ್ಯಸ್ಥರು ಹೇಳಿದ್ದಾರೆ.
